~बिनोद खड्का~
बन्दुक बोकेर
रगतको होली खेल्ने हातहरुमा
शान्तिका दूत
सुन्दर परेवाहरु देख्दा
दूई शव्द कोर्न मन लाग्यो ।
बलेका टाएरले
क्षत विक्षत भएका सडकहरुमा
गणतन्त्रको नारासंगै
शहर र सडक रमाएको देख्दा
प्रवासमै भए पनि नाच्न मन लाग्यो ।
मेरो प्यारो देशले
सुन्दर प्रभातको लालीहरुमा
नयाँ भविष्यको
विगुल फुकेको जस्तो लाग्दा
स्वदेश नै फर्कन मन लाग्यो ।
बिनोद खड्का
दुवाकोट ६, भक्तपुर
हाल: दोहा, कतार
