~धनराज गिरी~
बारुद र गोली भयो मानिसको भाषा
देखिएन कतै पनि यौटा झिनो आशा
आयो मृत्यु खेलाडी भै शान्त मैदानमा
प्राणै हर्ने खेलखेल्दै फ्याँकेको छ पासा
भयाक्रान्त भएका छौँ हिजोž-आज-भोलि
ढुक्कभई खेलेकाथ्यौँ यहीँ तेलकासा
विश्वासको बगैचामा ओइलाएछ फूल
भेटिएन कतै पनि यौटा मान्छे खासा
विधवाको सिउँदो जस्तो भए डाँडाकाँडा
यत्रतत्र उम्रिएछन् झार वनमासा
स्रोत: गजलामृत
Dhanraj Giri
Dahiya, Dabile Makawanpur
(स्रोत: तन्नेरी डट कम – Issue 11 – Kartik, 2062)
