~महानन्द ढकाल~
जब सरकार उज्यालो हुनेछ, भन्सार उज्यालो हुनेछ ।
बाटा–घाटा उज्याला हुनेछन्, धन्सार उज्यालो हुनेछ ।
आऊ एक कदम माथि उठौं मनको मैलो पखालेर
घरवार उज्यालो हुनेछ, यो संसार उज्यालो हुनेछ ।
मन्दिरमा शंख घण्ट बजाइ के गर्ने विचार छ
यो मञ्च यी तुल सजाइ के गर्ने विचार छ
म मेरो नैतिकता धरौटी राख्न सक्दिन मीत्र
मध्यरातमा ढोका ढक्ढकाइ के गर्ने विचार छ ?
सगरमाथा झुकेको कसरी हेर्न सकिएला
मेची काली दुखेको कसरी हेर्न सकिएला
हिमाल, पहाड, तराई आफ्नै लाग्छ मलाई
समिकरण फुटेको कसरी हेर्न सकिएला ?
महानन्द ढकाल
कोहलपुर -१२, बाँके ।
