~बाबुराम आचार्य~
आकाशमा देखिएका बादलका टाटा हेर
धरतीमा बल्झिएका घाउका खाटा हेर ।
कति छर्छौ खोक्रा आडम्बरी सपनाहरू
कृषि अनि अर्थतन्त्रमा आएको घाटा हेर ।
संविधान बनाउन त सकेनौ नेताज्यूहरू
सरकार बनाउने एक न एक त बाटा हेर ।
कतै देश असफल राष्ट्र हुने त होइन ?
इतिहास पल्टाएर असफलताको डाटा हेर ।
खण्ड खण्ड पारी देशलाई टुक्र्याउन खोज्नेहरू
स्वाभिमानी नेपालीको बीरताको गाथा हेर ।
(स्रोत : हाँक विक्ली – वर्ष ३२, अंक १७ – March 18, 2015 – २०७१ चैत्र ४ गते )
