गजल : आज झन्डा फरफरायो

~भुपेन्द्र महत~

तिम्रो दिलमा उसले आज झन्डा फरफरायो
बिना युध्द हार भो मेरो छाती चराचरायो

रुप उही रंग उही ढंग फेरियो कि कतै
धेरै पछि भेटदा तिम्रो ओठ थरथरायो

तिम्रो प्रेम माग हो कि अनुरागको दाग
काँडा रैछ तिम्रो मनमा मुटु दरफरायो

नजर नजरमै नजर बोली मन घोल्थ्यौ
खाटा बसेको घाऊ बल्झी फेरी परपरायो

फूल जस्तो सुकोमल मृगको जस्तो नयन
त्यो नयनमा किन आज आगो भरभरायो

भुपेन्द्र महत
कोलोराडो ,अमेरिका