~जगत प्रसाद रेग्मी~
गुँड खोसिएका चराहरु खुसी छैनन् ।
फूल बिनाका भमराहरु खुसी छैनन् ।१।
नरलोकका सुरासुन्दरीका कुरै छोडौ“ ।
हो नि स्वर्गका अप्सराहरु खुसी छैनन् ।२।
शायद महलको अतिवादले गर्दा होला ।
गाउँ, झुपडी र टहराहरु खुसी छैनन् ।३।
मान्छेहरुका बेथिति कर्मकाण्ड देखेर ।
कीट पतिङ्गर लहराहरु खुसी छैनन् ।४।
लिलाम बिक्री गरिदै छ धर्तिमातालाई ।
त्यसैले सुन्दर छहराहरु खुसी छैनन ।५।
– दैलेख
(स्रोत : रातोलाल्टिन डट कम)
