~अमला अधिकारी~
बारी बाँझै भाको समाचार आउँदैन
हाम्रो गाउँतिर पत्रकार आउँदैन
हली हुनुको मजा अर्कै छ मित्र
मेरा बालाई खोज्दै अख्तियार आउँदैन
प्रविधिको आविस्कार बढी रहे पनि
दिलको चिरफार गर्ने औजार आउँदैन
भरिया पुर्पुरोमा हात राखेर सोच्दछ
चुलो ध्वाँनुमा किन निखार आउँदैन ?
सम्झन खोज्छु कोको थिए आफन्त
आँखामा कसैको अनुहार आउँदैन ।
– अधिकारी सिन्धुलीमा शिक्षण पेशामा आवद्ध छन्। उनका ‘आगो’,’अमला’ र ‘आरन’ गजलसंग्रह प्रकाशित छन्।
अमला अधिकारी,
सिन्धुली
