~शेखर ‘अस्तित्व’~
बहरको नाश गर्दैमा गजल के नै भनूँ साथी ?
सबैले ‘वाह’ भन्दैमा गजल के नै भनूँ साथी ?
गजल हो भन्नको लागि गजलका तत्व चाहिन्छन् !
कुनै ‘ठूला’ ले रच्दैमा गजल के नै भनूँ साथी ?
मलाई छैन यो मतलब कि कसको रै’छ त्यो रचना !
कसैको नाम चल्दैमा गजल के नै भनूँ साथी ?
कहाँ लेख्या छ यो भन्नुस कि अग्रज गल्ती गर्दैनन् ?
सिंहासनमाथि बस्दैमा गजल के नै भनूँ साथी ?
छ जसमा काफिया मात्रै त्यो ‘तुकबन्दी’ गजल हुन्न !
म ताली मात्र बज्दैमा गजल के नै भनूँ साथी ?
यहाँको ‘व्यक्ति-पूजा’को चलन यो आत्मघाती हो !
सबैले नाम जप्दैमा गजल के नै भनूँ साथी ?
गजलको व्याकरण, जम्मै नियम छन् पूर्व निर्धारित !
जबरजस्ती झगड्दैमा गजल के नै भनूँ साथी ?
कुनै जन्मान्धले – ‘यो घाम कालो हो’ भने जस्तै !
अहम् को पाठ पढ्दैमा गजल के नै भनूँ साथी ?
विधाता छन्द -बहरे हजज मसुम्मन सालिम) १६ अक्षर
य.र.त.म.य.गु (।sss.।sss.।sss.।sss) (मफार्इलुन् x ४) रुक्नमा आधारित
बुटवल–६
हाल : मुम्बई,
