~दिनेश अधिकारी~
फेरि तिम्रो याद आयो
बिर्सिएका सारा कुरा
सम्झनाको माझ आयो
फुल्न थाले मनमा फेरि जाई, जुही, बुकीहरू
खुल्न थाले आँखाभरि मीठामीठा खुसीहरू
सासभरि चाहनाको
फेरि मीठो सुवास छायो
फेरि तिम्रो याद आयो…
रङ छर्दै बाटोभरि हिँडूजस्तो लाग्यो फेरि
तिम्रै दिलका भाकाहरू सुसाउँदै ओठभरि
सम्झनामा सङ्लिएर
फेरि त्यही साँझ आयो
फेरि तिम्रो याद आयो…
शब्द : दिनेश अधिकारी
सङ्गित / स्वर : आनन्द कार्की
एल्बम : फेरि तिम्रो याद आयो
