~अशोक थापा~
कोखाकोखी भित्र पट्टी चस्केको छ देश आज
प्रस्रव पीडा छटपटीमा खस्केको देश आज
पुराना खिल आँतबाट किन ननिस्केका २
विनाकारण कुर्सीभित्र चस्केको छ देश आज
छेपारोले घोचो छोड्ला दुष्ट बल पो गर्छ
सत्ता पासो गलाभरि मस्केको देश आज
सुस्ता र कालापानी दिउँसै लुटिएछन्
टनकपुर नभुलेर झस्केको छ देश आज
सासभरि देश हेर्ने देशकै मुहार फेर्ने
ताजाताजा जनादेशमा सर्सेको देश आज
कोखाकोखी भित्र पट्टी चस्केको छ देश आज
प्रस्रव पीडा छटपटीमा खस्केको देश आज
– भरतपोखरी
(स्रोत : रचनाकारको ब्लगबाट सभार)
