~नविन प्रकाश श्रेष्ठ~
लं फिनाः नं नांगा जुया च्वंपिन्त
नांगा जुयाक्यन बादी मिसातयसं
पिकाल नांगा जूलुस
ल्यायम्ह तयसं पिकाल सुईपुईचा जूलुस
न्हायपं दयाः नं मताःपिनिगु न्हायपं क्वय् पू जुल
मिखां मखंपिन्सं लालटिन जूलुस पिकाल
तोलकांतयत मिखा चायेकेत
शंख पुयाः नं जूलुस पिकाल
याकनं याकनं घाट यंकेमाःपिं मनूतय् नितिं
शहरय् ताजुव ताजुवया जूलुस पिहाँ वयेगु याः
अथे हे ढाका तपुलितयगु जूलुस पिहाँ वल
ढाका तपुलि जुलसवालातयसं
ढाका तपुलि तयगु जक तायेकल राज्यया चिं
ढाका तपुलिया जुलुस वःपिन्स हाकु तपुलि ल्वमकंल
हाकु तपुलि जक मखु
ल्वमकंल इमिसं धोती, बख्खु, भांग्रा, स्योल्दो,
राई, लिम्बु, थारुया थी थी वसः
म्हिग हे तिनि
ह्याँगु तपुलिवाला तयेगु जूलुस वल
हाकु तपुलिया यक्व मस्तयत दयेकल सान्ता कल्ज
हाकु तपुलिवाला त फल्चाय् फेतुनाः स्वयाच्वन
हाकु तपुलिया देशय् पिहाँवःगु थी थी तपुलि जुलुस
हाकु तपुलिवालातयस हाकु तपुलिया देसय्
हाकु तपुलि जुलुस पिकाये माः कि म्वाः?
(स्रोत : झीगु डट कम)
