~आश्रय रवि~
तिम्रो दिलको कुनामा लुक्ने धेरै हुन्छन
पर्खाईमा तिम्रो बाटो ढुक्ने धेरै हुन्छन
चलन पुरानै हो जुनतारा दिन्छु भनी
तिम्रोसामु घुडाँटेकि झुक्ने धेरै हुन्छन
कोमल हुन्छ भन्छन नारीहरूको मन
काम गर्दा विचार गर्नु थुक्ने धेरै हुन्छन
नदिनु वचन र मन भेटिने सबैलाई
अस्तित्व लुटि तिम्रो छुट्ने धेरै हुन्छन
तिम्रो मनको मझेरीमा आश्रय लिई कोही
दुख पर्दा सिसासरि टुट्ने धेरै हुन्छन
तनप्लेजुङ
वर्तमान:- मलेसिया
