~कमल कुमार~
तिमी सँगै हुनु कति सुन्दर
तिमी नहुनु झनै सुन्दर
तिम्रो याद अति सुन्दर
सम्झिनु कति सुन्दर
सम्झिँदै हराउनु झनै सुन्दर
हराउँदै सम्झिनु त अझै सुन्दर
बिर्सिएको सम्झना अति सुन्दर
सपना कति सुन्दर
सपनाको कल्पना झनै सुन्दर
सपनामा तिमी भए अझै सुन्दर
सपना झैं लाग्ने सम्झना सुन्दर
बोल्दा खेरि कति सुन्दर
नबोल्दा त झनै सुन्दर
मनले बोल्दा अति सुन्दर
आँखाको भाका अझै सुन्दर
पहाड सुन्दर
नदी सुन्दर
धर्ती सुन्दर
आकाश सुन्दर
त्यो आकाशमुनि तिमी सुन्दर
तिमीसँगै म भए झनै सुन्दर
नभए नि कल्पना सुन्दर
तिमी सुन्दर
म सुन्दर
सँगै भए संसार सुन्दर
नभए नि सपना सुन्दर
सपना झैं लाग्ने जिन्दगी सुन्दर
जनवरी १७, २०१२, काठमाण्डु
(स्रोत : रचनाकारको ब्लगबाट सभार)
