~घिमिरे युवराज ‘कर्जुना’~
क्षितिजबाट पग्लॅदै घाम
समुन्द्रमा स्नान गर्न निर्बस्त्र हुॅदै गर्दा
समय लजाएर गोधुली भई दिन्छ रातै
र पूर्वमा जून मुस्कुराउॅछन् कलिलो ।
जब छाल उन्मत्त भएर जूनलाई अंगाल्न खोज्छ
चराहरू प्रेमिल भएर छालसॅग प्रित गाॅस्छन् ।
प्रेम छ अनित्य
छ प्रेम सर्वब्यापी ।
आउ यसरी नै प्रेम गरौं
जहाॅ स्वार्थहरू भस्म भएर
प्रकृति झैं एकअर्कामा समर्पित होऔं ।
आउ प्रेमले बाॅचौं ।
FEBRUARY 15, 2017
(स्रोत : रचनाकारको ब्लगबाट सभार)
