~व्याकुल माइला~
रामेछाप
कहिल्यै नओइलिने फूल बनेर फुल्ने पुष्पलालहरूलाई
कालो अँध्यारोलाई नै चिरेर बल्ने कृष्णलालहरूलाई
एक मलिलो धर्ती र खुल्ला आकाश हो रामेछाप
नभए सोध, चट्टान फोरेर बग्ने गङ्गालालहरूलाई ।
झाप्पागाउ
सुनकोसी दूधकोसी एक एक आँखामा राख्न सकिन्छ
हिमाल र लेक–बेँसी सँगसँगै देख्न सकिन्छ
झाप्पा विकट ठाम होइन एक पवित्र धाम हो
जहाँ ’लिब्जु र भुम्जु“सँग एकैसाथ वरदान माग्न सकिन्छ ।
झाप्पा : खोटाङ जिल्लाको एक गाउँ ।
लिब्जु÷भुम्जु : दुई पवित्र देवधाम ।
(स्रोत : नेपाल प्रज्ञा–प्रतिष्ठानको कविताप्रधान चौमासिक पत्रिका – “कविता” पूर्णाङ्क : ९८, असोज–पुस, २०७० बाट सभार )
