~दिनार रनादी~
म जस्तै दुरुस्तै
मेरो छ भगवान् ।।
पूजा प्रसादमा हुरुक्कै हुने
निन्दा सहनै नसक्ने
म जस्तै दुरुस्तै
मेरो छ भगवान् ।
जब मनको ऐनामा म मलाई हेर्छ
भगवान् मलाई देख्छन् कि
म भगवान्लाई देख्छु
भगवान्लाई नै थाहा होला
तर मलाई थाहा छ
सुख के हो ?
दु:ख के हो ?
सार के हो ?
असार के हो ?
मृत्यु
असत्य हो
नित्य म ध्यान गर्छ
त्यसैले निर्वाणको कामना गर्छ ।
म भगवान्को सृष्टि कि
मेरो सृष्टि भगवान्
मलाई केही थाहा छैन
तर मलाई थाहा छ
म भगवान्को रूप
मेरो स्वरूप भगवान्
त्यसैले म भन्छु
म जस्तै दुरस्तै
मेरो छ भगवान् ।
(स्रोत : ज्ञानबिन्दु – बर्ष ६, पूर्णाङ्क ६, २०६६ फाल्गुन)
