~रुमानी राई~
पसिनाले धरती गलाउनु पर्छ है ठूले
मानो रोपेर मुरी फलाउनु पर्छ है ठूले ।
बलवैंश भईञ्जेल आफ्नै देशको माटोमा
परिश्रमी पाखुरी चलाउनु पर्छ है ठूले ।
धेरै जले झुप्राहरु यहाँ क्रान्तिको नाममा
अब महल पनि जलाउनु पर्छ है ठूले ।
पराइको भर हुन्न आफ्नै बुद्धि-विवेकले
देशद्रोही सामन्ती ढलाउनु पर्छ है ठूले ।
विकासका मुनाहरु स्वदेशको कुनाकाप्चा
पाखा पखेराभरी पलाउनु पर्छ है ठूले ।
[ ९ जुलाई २०१४,मलेसिया ]
(स्रोत : रचनाकारको फेसबुकबाट सभार)
