~अनिक शाक्य~
लः गबलें हा:गु मखु हिति दयां छुयाये
नुग्लय् खिति दु ख्वा हिसि दयां छुयाये
थाय् बाय् फुक्क डोजरं नयाच्वनं तिनि
लँ लिक्क छेँ बुँ छिमिजिमि दयां छुयाये
पला: त:थाय् तकं बि.सं. छ्यलीपिं झी
झीगु थ:गु हे मौलिक तिथि दयां छुयाये
झी नेवा: तय्सं हे च्वये ब्वने स:गु मखु
झीके थ:गु हे नेपाल लिपि दयां छुयाये
गबलें ज्या मव: सुना नं खंगु तकं मखु
छंगु छेँय् लुँया:म्ह हे किसि दयां छुयाये
लसताय् यक्व दु दु:खय् लिक्क मदु सुं
छं हे धा: अज्यापिं थ:थिति दयां छुयाये ।।
