~रामेश्वर राउत ‘मातृदास’~
माउरी पाल्ने माउरी पालौँ गाई पाल्नेले गाई
परदेश होइन नेपाली हो बनाऊँ आफ्नै देशलाई
जन्मभूमि नेपाल आमा बिर्सी जान्छौ कहाँ ?
सोची सम्झी नयन खोले के छैन र यहाँ
पहिले आफ्नै देश बनाऊँ जोस जाँगर जगाई
परदेश होइन नेपाली हो बनाऊँ आफ्नै देशलाई
परदेशमा रित्याएर जवानीको जुहार
कहिल्यै सुखी हुने छैनौं हाँस्ने छैन मुहार
रगत होइन पसिना दिऊँ जन्मभूमिलाई
धरती आकाश जगमगाउँछ जीवनज्योति जगाई
परदेश होइन नेपाली हो…
वर्ष होइन महिना होइन, युगौँयुग बित्यो
देशघाती कुलाङ्घारले पारे देशै रित्तो
सज्जन विद्वान् इमानदार हो जगाउँm जीवन देशलाई
परदेश होइन नेपालीले बनाउँ
– वशिष्ठधाम, निर्झर दिलचेत, सिन्धुबस्ती
(स्रोत : घटना र विचार राष्टि्य साप्ताहिकको इन्द्रेणी)
