~सरोज घिमिरे ‘कर्कट काश्यप’~
सुकेछ आँत घातमा, बगेन आँसु चोटले ।
कठोर प्रेम मातमा, बगेन आँसु चोटले । ।
भएन बोल्न फोनमा, खराब काम के भयो,
मनुज मित्र जातमा, बगेन आँसु चोटले ।
कुरा छ धेर सम्झना, पियार दिन्छु बन्दकी,
उडेछ आश रातमा, बगेन आँसु चोटले ।
पिएर उष्ण वेदना, हँुदैन शान्ति अग्निको,
नराख फूल हातमा, बगेन आँसु चोटले ।
म लाग्छु दूर देशमा, नखोज्नु घाउ याद यो,
नलेख पत्र पातमा, बगेन आँसु चोटले ।
झापा, हाल काठमाडौं
