~दीपक कुमार ज्ञवाली~
कृष्ण,श्याम,कन्हैया नाम अनेक ।
बन्यौ तिमी द्धापर युगका नायक ।
प्रकट होऊ बिनाश गर्न दुष्टता ।
हरण गर्यो ब्यभिचारले सदाचार ।
संरक्षक नै बने युगका भक्षक ।
पाईदैन मानवमा नीहीत मानवता ।
युगमा एक युगपुरुष अवतरित ।
बुद्धले फिँजाए अहिंसाको सन्देश ।
बुद्ध भूमिका मानव संवेदनहीनता ।
नगरे कै हो अनुशीलन शान्तिकोे ।
पानी भन्दा सस्तो मानवको रगत ।
भ्रम युद्धले खोल्ने सत्ताको कपाट ।
विभक्त समाज सम्प्रदायमा अनेक ।
पलाएका हाँगा बिँगा जड छ एक ।
एउटै शुत्रमा बाँध आएर भू–लोक ।
झाङ्गिंदै आयो मानव मानवमा बितृष्णा ।
दीपक कुमार ज्ञवाली
बुटवल ६ आदर्शनगर रुपन्देही
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
