~इलामेली टीकाराम दुलाल~
छन्द : ईन्द्रबज्रा
पारेर पोको नदिमा बगाउँ
लाग्दैछ आफै कि रसी लगाउँ
पालेर राखेँ तर झन् पिडा भो
फालेर जीवन् अति दूर् भगाउँ
यो के भयो खै मन थीर छैन
लाग्दैछ साच्चै बिषले अगाउँ
बैकुण्ठ माथी म त लाग्छ जाउँ
त्यो मृत्युलाई पनि मै सगाउँ
यो जिन्दगानी अभिश्राप भा’छ
मारेर फाल्ने भन के मगाउँ ???
छन्द : ईन्द्रबज्रा ११ अक्षर ५ मा बिश्राम
लेखन २०७४।०९।१२ रोज ४
इलामेली टीकाराम दुलाल
नक्साल
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
