~अमृत सिङ थिङ~ 
जहाँ म प्रेमलाई फूलेको देख्छु
लाखौं जवानहरू भुलेको देख्छु ।।
कोमल ति फूललाई डस्नेहरु
जोतिऐको बहर झै गलेको देख्छु ।।
आगो लागेको तिनै झुपडीहरुमा
मायाको मुनाहरु जलेको देख्छु ।।
पुजा पाठ गर्ने मन्दिरको सिढीमा
जोडीहरुको युद्ध चलेको देख्छु ।।
जाडँ रक्सी घोल्ने घ्याम्पो हरुमा
प्रेमीहरु जवानी घोलेको देख्छु ।।
अमृत सिङ थिङ
हाल : मलेसिया
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
