~लवप्रसाद कुइँकेल~
मलाई अग्लिएको हिमाल चाहिन्छ
मलाई ढाकिएको पहाड चाहिन्छ
मलाई फैलिएको तराई चाहिन्छ
मलाई चोइटिएको होइन
मलाई सिङ्गो नेपाल चाहिन्छ ।
मलाई रमाइलो दशैं चाहिन्छ
मलाई खुशी हुन इद चाहिन्छ
मलाई शान्त हुन बुद्ध चाहिन्छ
मलाई द्वेष होइन
मलाई सहिष्णु नेपाली चाहिन्छ ।
मलाई मिहिनेती थारु चाहिन्छ
मलाई बलवान् लिम्बू चाहिन्छ
मलाई चलाख नेवार चाहिन्छ
मलाई एउटा गमला होइन
मलाई छत्तीस जाते फूलबारी चाहिन्छ ।
(स्रोत : अनलाईनखबर डट कम)
