~दिव्या बज्राचार्य~
जिगु ख्वाः कय् कय् कुन हँ
जिगु म्ह ग्वारामारा जुल हँ
जि प्यम्हमनुया न्ह्योने खः ल्ह्याय मसलं हँ
जि फेशन शोले थें न्यासे वने मसलः हँ
ततःधंपिं मनूतः सः स्यूपिं मनूत
जिगु रुप मखु जिगु कय्कुंगु ख्वाः मखु
जिगु त्याग स्व, जिगु ज्यायात सम्मानं स्व
न्ह्याम्हेसीन्ह न्ह्यागुहे खँ ल्हासां
खः जि छेँ हे च्वनिम्ह मिसा खँ
खः जि नेवाः मिसा खः
छँे्र मचाखाचा यात नेवाः भाय् स्यना
इमित नेवाः नखः चखः स्यना
थःगु लाहीयात गथे सम्मान यायेगु स्यना
खः जि छेँ हे च्वनीम्ह मिसा खः
खः जि नेवाः मिसा खः
छेँ थकली पिं माः बाः दु
ज्याकुथी त्यानुका छेँ लिहा वइम्हः भात दु
जिलाः छम्ह इमीगु लिधँसा खः
खः जि छेँ हे च्वनीम्ह मिसा खः
खः जि नेवाः मिसा खः
जिं याना जिगु काय्म्हाय् द्याः मला
जिं याना जिम्ह भातया पलाः मद्वो
जि दुगुलिं बाजु माजु लसताय भयब्यू
जि दयाला वयकं पिनिगुं नुगः चःकंगु दु
अले इपिं दयाला जि म्वाय् फृुगु दु
वयकं पिनिगुं चःकगुं ख्वाः स्वया लय्ताम्ह
खः जि छेँ हे च्वनिम्ह मिसा खः
खः जि नेवाः मिसा खः
–दिव्या बज्राचार्य
(स्रोत : रचनाकारको ब्लगबाट सभार)
