~रुमानी राई~
१) फुल्दछ बुकि
ढकमक जिन्दगी
ढुङ्गा चिरेर ।
२) लामो छ बाटो
उकाली र ओर्हाली
यात्रा जारी छ ।
३) बिझेको काँडा
घरिघरी बल्झन्छ
तिम्रो सम्झना ।
४) थुक्यौ आकास
छिटा तिम्रै मुखमा
लाजैमर्नु छि:
५) घुर्मैलो जून
नमेटिने तस्विर
उनको याद ।
( १५ जनवरी २०१४ )
६) सारङ्गी धून
जो देशसङ्गै रुन्छ
गाइने दाइ ।
( १९ जनवरी २०१४ )
७) चिन्छौ के तिमी
ओ ! आदिवासी आँखा
सिंहदर्बार ।
( १ फेब्रुअरी २०१४ )
८) घाम लागे न
आँगनमा फिजाको
बिस्कुन सुक्छ ।
९) तिम्रो नाकले
परैबाट चिन्छ है
सिंहदर्बार ।
( २ फेब्रुअरी २०१४ )
१०) शिर क्षेदित
मुर्कुट्टाहरु यहाँ
ताण्डव नृत्य ।
११) ढुङ्गे ईश्वर
ढुङ्गाकै मान्छेहरु
ढुङ्गा पुज्छन् ।
१२) देशको गित
पराधिन संगित
कसरी गाउँ ।
( ३ फेब्रुअरी २०१४ )
१३) लेख्न बाँकि छ
सिसिफसको नियात्रा
देशको छातिमा ।
१४) ढुक्क नबस
सिसाको घरभित्र
ढुङ्गा बर्सेला ।
१५) छाँया पर्दैमा
तर्सन थाले गाँठे
मुर्कुट्टाहरु ।
( ४ फेब्रुअरी २०१४ )
१६) कोप्चे पहाड
यो देशको मुहार
कुहिरोभित्र ।
१७) उस्तै बग्दैछ
ताङ्माया र मेङ्खुवा
मलाई चुम्दै ।
१८) त्यो डाँडा स्कुल
पढ्दैछु यो जीवन
नबुझे ननि ।
( ५ फेब्रुअरी २०१४ )
१९) खोकिरहन्छ
यो मेरो बूढो देश
सतिको क्ष्राप ।
२०) यात्रामा सधैं
गाइरहन पाउँ
खोलाको गित ।
२१) विजय पक्का
अन्धकार विरुध्द
अक्षर युध्द ।
( ५ फेब्रुअरी २०१४ )
२२) नथाप साँघु
खोलापारिकी नानी
झुठो सपना ।
२३) फर्किए घर
कति सपनाहरु
बाकसभित्र ।
२४) सौदा गर्दैछु
आफैलाई बेचेर
प्रवासी फूल ।
२५) विपनाहरु
जो आत्महत्या गर्छन््
मरुभूमिमा ।
२६) आँसुको फूल
फुल्ने हो कि नफुल्ने
टिपिरहेछु ।
२७) झसङ्ग भएँ
खोला तरेपछी पो
तिमी छुटेछौ ।
२८) आफ्नै मुहार
ऐनामा हेर्दै हाँस्छन्
बुख्याँचाहरु ।
२९) उहीँ रगत
जात,धर्म र वर्ण
हाम्रो सिमाना ।
( ६ फेब्रुअरी २०१४ )
३०) शिरको टोपी
नझरोस् हाछिउँ मै
फुत्रुक्क भुईंं ।
३१) सजाई राखे
शिरैमा शिरफुल
हितको माया ।
३२) पानीले धुन्न
न आगोले नै खान्छ
माया पिरती ।
( ७ फेब्रुअरी २०१४ )
३३) फक्रदैछ फूल
खुन र पसिनाको
रङ्ग उनेर ।
३४) निलो आकास
सहिदको सपना
शान्त जीवन ।
३५) गाउँछ गित
यो देशको माटोले
युग पुरुष ।
( ८ फेब्रुअरी २०१४ )
३६) बुझ्नै गाह्रो भो
देशको राजनिती
अमुर्त कला ।
३७) कति उफ्रेका
ख्स्रा भ्यागुताहरु
कुवाभित्र छि:
३८) कहिले लाग्ला
मूर्ख स्यालहरुको
घैटोमा घाम ।
( ९ फेब्रुअरी २०१४ )
३९) ए ढाक्रे दाइ
कति दु:ख बोक्छौ हौ
पहाडसंगै ।
४०) धमिलो पानी
सर्पको बिगबिगी
माछाको काल ।
४१) उधारो आस्था
रातो गुलाब-फूल
प्रेम दिवश ।
(१० फेब्रुअरी २०१४ )
४२) प्रेम मर्दैन
जसरी वैली झर्छ
गुलाब फूल ।
४३) प्रेम फुल्दछ
आकृतिमा होइन
हृदयभित्र ।
४४) मूल्य तोकेर
जोखिन्न तराजुमा
शाश्वत प्रेम ।
( १० फेब्रुअरी २०१४ )
४५) कसले भन्यो
संघियताले सानो
देश टुक्रन्छ ।
४६) काटिनु पर्छ
समानान्तर रेखा
वक्र रेखाले ।
४७) बूढो समय
काँचुली फेर्नु पर्छ
युगानुकुल ।
( १२ फेब्रुअरी २०१४ )
४८) मृत्यु कुल्चेर
फुल्नु पर्छ जिन्दगी
मीठो रहर ।
४९) विमान निस्कियो
आकासको यात्रामा
गन्तव्य चुम्न ।
५०) आकासतिर
हेर्दाहेर्दै बिलायो
द्रुत विमान ।
५०) घर छोडेर
हिडेका यात्रीहरु
फर्केनन् घर ।
( १९ फेब्रुअरी २०१४ )
५२) संविधान नि
बाँदरको हातमा
नरियल भो ।
५३) सिंहदर्बार
स्यालहरु रत्तिने
पाखावारि झैं ।
५४) फुल्छ सपना
सिंहदर्बारभित्रै
रित्तो विपना ।
( २३ फेब्रुअरी २०१४ )
५५) तिमी हाँस्दा ती
जूनतारा नि हाँस्छन्
दिल खोलेर ।
५६) कहिले फुल्ला
दिलशोभाहरुको
आँसुको फूल ।
५७) अल्ला’को फूल
बुर्काभित्रै फुल्दछ
अनि झर्दछ ।
( २७ फेब्रुअरी २०१४ )
५८) यो ब्ल्याक कफी
कति्ञ्जेल पिउँ म
दुख्दै प्रवास ।
५९) म पिउँदैछु
कि,तिमी पिउदैछौ
कफी-समय ।
६०) स्वादिलो छ यो
रङग कालो भए नि
कफी-जिन्दगी ।
( ४ मार्छ २०१४ )
जीवन भन्नु
उर्लदो त्यो खहरे
भेलबाढीमा ।
बाँसको तामा
आकास छुन्छु भन्छ
खोक्रो घमण्ड ।
जीवन-दियो
निभ्छ,जब तुरिन्छ
तेल-सलेदो ।
आफू जलेर
अन्धकार चिर्नु छ
मैन नियती ।
झिलिक्क झिल्का
चकमक जिन्दगी
दर्शन-ढुङ्गा ।
वर्षिन थाल्यो
झुप्राहरुमा आँसु
वर्षाको याम ।
माना सपना
तुल्याउनु छ मुरी
कठै किसान ।
रोपाईं गरुँ
बाउसे अरबमा
हिलाम्मे बाटो ।
उर्लियो खोला
धमिलो भेलबाढी
अनिदो गाउँ ।
[ १७ जुलाई २०१४,मलेसिया ]
(स्रोत : रचनाकारको फेसबुकबाट सभार)
