~कात्यायन~
– नानी ! पहिलो कदम तिमी आफैं चाल !
– दोश्रो कदममा लर्खरायौ भने सहाराकोलागि अंगुली दिउँला |
– तेश्रो कदममा तिम्रो पिंडुलो काम्यो भने पाखुरी समाएर डोराउँला |
– चौथो कदममा थाकेर लखतरान भयौ भने बोकेर माथिको छतसम्म पुराउँला |
– तर, छतबाट खुला परिवेशको अवलोकन तिम्रै चक्षुले गर्नुपर्नेछ !
– ध्वनीहरू तिम्रै कर्णले सुन्नु पर्नेछ !
– घाम-पानी तिम्रै अंगहरूले अनुभूत गर्नुपर्नेछ !
– तिम्रै मस्तिष्कले आँगनको गहिराई नाप्नु पर्नेछ !
– अनि तिम्रै हृदयले खुला गगनको सुन्दरता पहिलाउनु पर्नेछ !
चाबहिल, काठमाडौँ – ७ |
(स्रोत : रचनाकारको फेसबुकबाट सभार)
