~बच्चु कैलाश~
हाँस खेल गर्दा बसेछ दिल सम्झाउने कसरी
बेईमानी रैछौ नभन मलाई बिर्सनु कसरी
आँखाले दियो मुटुले थाम्यो कसैले देखेन
मायाको कुरा मायाले बुझ्यो अरुले बुझेन
मादल यहाँ बजेको छैन मन लाग्छ नाचूँ कि
संसारको सारा सुखलाई त्यागी तिमीलाई रोजूँ कि
एक बाजि हाम्रो भइहाल्यो भेट सधैं नै भेटौंला
मनमा कुरा छन जति बाँकी ती सबै कहूँला
अप्ठेरो होला सङ्कोच होला प्रीत को मामिला
केही होइन जस्तो नक्कल गरे मन तिम्रो रोइदेला
यसरी एउटै भएर छुट्टिनु कसरी
शब्द / स्वर / सङ्गीत : बच्चु कैलाश
