~सुरेन्द्र खौलराठी~
हेर्दा हेर्दै मायाको आकार बद्लियो !
शनै: शनै: मेरो संसार बद्लियो !
थियौं हामी दुवै अलग अलग नदि ,
एउटै भई बग्न थाल्यौं धार बद्लियो !
बिताउथें दिनहरु रुदै रुदै एक्लै,
घाम लाग्यो जिन्दगीमा मुहार बद्लियो !
समय संगै जिन्दगी यसरी बद्लियोकि,
जति बद्लिनु थियो अपार बद्लियो !
सुरेन्द्र सधैं येस्तै रहला ठान्थ्यो दुनियाँ,
तीनछक्कछ आज समाचार बद्लियो !
नाम: सुरेन्द्र खौलराठी
ठेगाना: खलंगा, दार्चुला
हाल: कीर्तिपुर, काठमाण्डौं
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
