~अमृत सिङ थिङ~ 
गाउँले छोरो परें म त गाउँ घरमै रमाउँछु
गाई अनि भैंसी पाल्छु ठेकिमा दही जमाउँछु
लेकमा छ घर बारी, हजुर गैरी बेंसी खेत
कुटो कोदाली खन्दा खन्दै जोत्न हलो समाउँछु
वन भिर पाखा डुल्छु दाउरा घाँस काट्नलाई
पिजा म:म: शहरमा, गुन्द्रुक ढिढो पकाउँछु
साथी संगी ईष्ट मित्र साउदी कतार खाडीमा
मिठाइ बोकी भेट्न आउछन् दूध दही चखाउँछु
शहर तिर बस्नेहरु च्यात्या फाट्या लगाउँछन्
गाउँमै बस्छु ढाका टोपी, लुङ्गी धोती लगाउँछु
अमृत सिङ थिङ
हाल : मलेसिया
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
