~उत्तम भट्ट ‘विवेक’~
उमेरु त नाइ भ्यो दादा आघाइ भयो ब्यात
बुढी त छाडी माइत लागी मुइ एकलोइ यात
कोसेलो न सुन्या दिन निन क्यालाई खड्डी हो
छाडी झान्या राणका मुख डिठ क्यानाइ पड्डी हो
सूनको हार बना भुन्छी तम खाइ लइ सुन छ कि ?
फोन बठे गाली बिजतु तमरा लइ हुन्छ कि ?
रात दिन गाली दिया लइ कभै नाइ थाकी हो
क्याइ गर्या हु तै सित ब्या कि दशा लागी हो
कात्तेइ अर्खी मिल्या बरे तै राण छोड्ड्या थिउ
तै मिलुन्या बामुन भेट्या हात खुट्टा तोड्ड्या थिउ
को गरलो इति बिजतु आफ्ना पइ किल्या
छाडी झान्या भ्या छाडी झा राण को छ र कै किल्या
गोरु फोइ गौडुइनी लाया भट्टाड भाडले
रुबशकी खात छ भुन्यो तैकी इज्या राणले
– सौगात एफ एम १०३.६ मेघाहर्ज, बैतडीबाट प्रसारित कार्यक्रम कोसेलोमा प्रसारित गीतहरू
