~शशीकला थापा सुब्बा~
तिम्रो मेरो प्रेमको कथा युगौ2 बाँची रहोस्
तराई पहाड नदी नाला हिमचुलीमा हाँसी रहोस्
तराई फाँटमा हावा चल्दा हाम्रो प्रीत लहराउन
पहाडी भेगमा चाँप फूल्दा पिरतीको बसना छरुन
हरेक जोडी मायालुले हाम्रो माया गाँसिरहोस
तराई पहाड नदी नाला हिमचुलिमा हाँसिरहोस्
फुलको तिर्खा मेटाइदिने हाम्रो प्रीति सित बनोस
बन पाखा कोयली गाउदा पिरतीको गीत बनोस
हरेक प्रेमीले मिलनमा हाम्रै माया साँचीरहोस्
तराई पहाड नदी नाला हिमचुलिमा हाँसिरहोस्
हाल : लण्डन
(स्रोत : रचनाकारको फेसबुकबाट सभार)
