~सुरेन्द्र खौलराठी~
चाहिएको बेला सरकार काम लागेन !
त्यो आफन्त त्यो नातेदार काम लागेन !
जिन्दगी एकतिर गयो सपना अर्कोतिर,
विज्ञानको सुत्र पुराणको सार काम लागेन !
बैंस गएपछि बुढीकन्या भन्छे अचेल,
सुन्दर थियो यो अनुहार काम लागेन !
महलमै उस्को बिभत्स्व हत्या भो,
भन्छन पर्खाल र तारबार काम लागेन !
सुरेन्द्र अचेल हिडेकोछ आफ्नै सुरमा,
यो सोचेरकि जिन्दगीमा सदाचार काम लागेन !
नाम: सुरेन्द्र खौलराठी
ठेगाना: खलंगा, दार्चुला
हाल: कीर्तिपुर, काठमाण्डु
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
