~गोपीकृष्ण ढुंगाना ‘पथिक’~
जस्केलो मै ल्याएको छु एक अञ्जुली माया
सजाइदेउ बिन्ती हजुर राखी मलाई दया ।
शंका गरे संसार शुन्य सापटी लेउ मन
सिउरीदेउ बेली फूलझैं सिरुपाते तन,
संघारको शितल जून, जाने मीठो छाया
सजाइदेउ बिन्ती हजुर राखी मलाई दया ।
जोगाउनुपर्छ भन्छन् अनिकालको बीउ
मौका आउछ पर्खदैन छोउ मेरो जीउ,
मनै न हो कस गाठो जिन्दगी माया
सजाइदेउ बिन्ती हजुर राखी मलाई दया ।
जस्केलो मै ल्याएको छु एक अञ्जुली माया
सजाइदेउ बिन्ती हजुर राखी मलाई दया ।
gopiji2065@gmail.com
काव्यकुञ्ज, गठ्ठाघर, भक्तपुर
(स्रोत : काव्यकुञ्ज डट कम)
