~टंक सम्वाहाम्फे~
धेरै पटक
फाली सक्यौ
धमीलो पानीमा
षड्यान्त्रको जाल
अव नसोच
त्यसै गरी माछाहरु
जालमा पर्लान भनेर
समयले
कोल्टे फेरि सक्यो
अझै पनि सोच्छौ होला
कि पानी धमीलै छ
र अन्योलमा छन् माछाहरु
तर साङली सक्यो
धमीलो पानी
त्यसैले चेष्टा नगर
षड्यान्त्रको जाल फाल्न
किनकी साङलो पानीमा
जुनसुकै
वा जस्तोसुकै जाल फाले पनि
त्यो हरेक माछालाई थाहा हुन्छ
कि जाल कसरी फालिन्छ भनेर
तिमीलाई थाहा नभएको हुन सक्छ
धमीलो पानी साङलीएको
वा पुरातन सोचमा अल्झिएर
साङलो पानीलाई
धमीलै सम्झेर
अझै पनि षड्यान्त्रको जाल
फाल्ने कोशीस गरीरहेछौ
अव सोच्नु
धमीलो पानीमा
माछाहरु हुदैनन् भनेर
र सोच्नु
साङलो पानीमा
षड्यान्त्रको जाल फाल्न सकिदैन भनेर
यदि साङलो पानीलाई
धमील्याएर
षड्यान्त्रको नया जाल
फाल्न खोज्यौ भने
त्यो घातक हुनेछ तिम्रै लागि
किनभने पानीमा
मात्र निर्दोष माछाहरु हुदैनन्
त्यहा खतर्नाक
सार्क माछाहरु पनि हुन सक्छन्
जस माथि
षड्यान्त्रको जाल
आखा चिम्लेर फाल्यौ भने
जालसंग जल्हारीलाई पनि सिध्याउनेछ
किनकी सार्क माछाहरु
आफ्नो विरुद्ध धावा वोल्नेहरुलाई
आफ्नै शिकार वनाई दिने गर्छन्
त्यसैले एक्काइसौ शताब्दिको
साङलो पानीलाई
धमीलो सम्झेर
षड्यान्त्रको जाल फाल्ने
घृष्टता नकस्नु
किनभने हरेक माछाहरुलाई
थाहा भैसक्यो
कि जाल कसरी फालिन्छ भनेर
(स्रोत : कविता कुसुम)
