~कुमार काफ्ले~
•बद्रीलाल साहू नाम चलेको व्यापारी थियो।
•उसको होलसेल पसलमा खानेतेलको स्टक उच्च थियो।
•तेल अभाव हुने हल्ला जोडतोडले चलाईयो।
•उसको तेल बिक्री ह्वात्तै बढ्यो र स्टक रित्तियो।
•स्थानीय प्रशासनले छड्के जाँच र बजार अनुगमन गर्न थाल्यो।
•म्याद गुज्रिएको खानेतेल बेचेको आरोपमा खुद्रा पसलहरू सिलबन्दी गरिए।
•उपभोक्ताहरू बिरामी भएर अस्पताल भर्ना भए।
•खुद्रा पसले र उपभोक्ताले बद्रीलाल साहूकोमा सामान किनेका थिए।
•बजार अनुगमन हुने कुरा बद्रीलालले प्रशासनबाट पहिल्यै थाहा पाइसकेको बजार हल्ला आयो।
– ओखलढुंगा।
(स्रोत : रचनाकारको ब्लगबाट सभार)
