~पूर्ण बन्धन~
नचाहेरै लौ जमानामा, कुरा धेरै देखिएछ ।
कथा व्यथा गजलमा, आफ्नै धेरै लेखिएछ ।
चोक्टा खाने आस गरी झोलमा डुब्नभनी
हाम्फाल्ने ती वैगुनीको, बाटो धेरै छेकिएछ ।
कलकलाउँदो जोबन थियो, सारै लोभलाग्दो
अनाहकमा उदार हुँदा, मार्ग मेरै रोकिएछ ।
ईज्जत जोगाऊ भनी उनको, लडें तिघ्रेसीत
विनासित्ती निहूँ खोज्दा, ढाड मेरै सेकिएछ ।
कर्मको फलै त हो, पाईने कस्तो कस्तो
अनजानमै बन्धन मैले, कांडा धेरै टेकिएछ ।
कोपेनहेगेन, डेनमार्क
