~कात्यायन~
चीर हरण
बुभुक्षुको बुभुत्सा
काम देवता !
देव दानव
मानव अमानव
धर्म अधर्म !
प्रलयंकारी
विनाशकारी शमा
बाँकी छ भोग्न !
शमाको बीज
खोजेर कहाँ खोज्ने
मन भित्रै छ !
झरेको आँसु
बाध्यताको सितन
पिउनै पर्ने !
संयमित छौ ?
प्रक्षेपणकोलागि
आगोको बीऊ !
वन डढेर
आत्तिहाल्नु पर्दैन
सम्हाल्नु मन !
परिवर्तित
गतिशील सोचाई
युगको वाणी !
ह्वार-ह्वारती
दन्किएको हृदय
सल्किरहोस् है !
बीज नमास्नु
फेरि कसरि बाल्ने
जलन दीप !
फोर्रा हाने नि
ननिभ्ने रहेछ त:
मनको ज्वाला !
जल्नुको मज्जा
मैनबत्तीले बुझ्छ
प्रकाश छर्की !
मन र बत्ती
यथार्थता बाँच्नुको
भोग्नै पर्ने है !
चाबहिल, काठमाडौँ – ७ |
(स्रोत : रचनाकारको फेसबुकबाट सभार)
