~निर्मला अवस्थी~
मैले जस्तै तिमीले पनि माया गरे हुन्थ्यो
कहिले काहीं साँझपख बेसी झरे हुन्थ्यो।।
स्थीर छैन यो मनलाई कति डुलाई राखु
त्यो मन पनि बरु अब यतै सरे हुन्थ्यो।।
तिम्रो भन्दा मेरो पनि कम्ति छैन माया
माना पाथी ल्याई बरु ऐले भरे हुन्थ्यो।।
वारि म छु पारी तिमी भेट त्यसै हुन्न
आँट गरी तिमीले नै खोली तरे हुन्थ्यो।।
दुबै जना संगै संगै मिली बस्नलाई
आइपरेका बाधाहरु सबै टरे हुन्थ्यो।।
February 13, 2011
(स्रोत : रचनाकारको ब्लगबाट सभार)
