~रितु खनाल~
आदर्श र यथार्थमा, धेरै फरक हुन्छ अरे
रोपिएका कैयौं बिज, नउम्रदै कुन्छ अरे ।
रगतको नाता मात्र, काफी छैन आफ्नो बन्न
भावनाको लहरले, आफ्नो प्रेम चुन्छ अरे ।
नौ लाख तारा चम्किरहोस्, आकाशमा तर पनि
मुस्कुराई आफ्नो दाग, चन्द्रमाले धुन्छ अरे ।
एक से एक छन् इन्द्रेणीका, सातै रङ्गहरू प्यारा
एकले हैन सातै रङले, प्रेमको हार बुन्छ अरे ।
हरेक “ऋतु” सँगै मौसम, र प्रकृति बद्ली रन्छ
नसके नि देख्न उसलाई, महसुसले छुन्छ अरे ।
गुलाफ मात्र कहाँ छ र फक्रिएर फुलिदिने
लालुपाते फूल पनि पातैपातमा फुल्छ अरे ।
