~सावित्री सिलवाल सापकोटा~
उराठिलो जिन्दगीमा तिमी आयौ र त रसिलो भयो।
त्यसैले त जीवन जिउन सहज र सजिलो भयो।
जस्तो सुकै कठिन समय र परिस्थिति आए पनि
समझदारीले सामना गर्यौ र सम्बन्ध कसिलो भयो।
भिन्न थिए होला लक्ष्य तिम्रा मेरा पनि भिन्न थिए
जे जस्तो भए नि सम्झौता गर्यौ र त लचिलो भयो।
दुबै मिली गोडमेल गर्यौ पिरतीको फूल फूलायौ
आकाश छुने लक्ष्य लिएनौ सन्तोषले हसिलो भयो।
दुखमा आत्तिएनौ सुखमा नि कहिल्यै मत्तिएनौ हामी
सुख र दुख आँसु र हाँसो बुझ्यौ र त गतिलो भयो।
सावित्री सिलवाल “सावी”
पोखरा– १४, कासकी
(स्रोत : ओएमसी नेपाल डट कम)
