स्वदेश गान : हिमाल हाँसेको

~निकेशराज पोखरेल~

आहा कति राम्रो सेतो हिमाल हाँसेको !
हिमालको फेदमा डाँफे मुनाल नाचेको !!

तराइ पहाड डाडा पाखा हरियो बनैमा !
चन्द्र सुर्य झण्डा मेरो बस्यो मनैमा !!
बिहानी को डाको संगै भाले बासेको !
आहा कति राम्रो सेतो हिमाल हाँसेको !!

लालिगुराश सुनाखरी फुल फुलेको !
धानको बाला लहलह कस्तो झुलेको !!
चार वर्ण छतीस जातको माला गाँसेको !
आहा कति राम्रो सेतो हिमाल हाँसेको !!

निकेशराज पोखरेल