~सुको साइबर~
घामले पोल्न सक्छ
पानीले निथ्रुक्कै रुझाउन सक्छ
बाटोमा
धुलो उड्न सक्छ
बाटो
हिलो हुन सक्छ
बाटो हो
कसैले
नछोड्न सक्छ
कसैले
छेक्न सक्छ
कसैले
घचेट्न सक्छ
ठोकिन सक्छ
ठेस लाग्न सक्छ
हिँड्ने-नहिँड्ने
हिँड्नुअघि नै सोच्नुपर्छ
हिँडिसकेपछि हिँड्नैपर्छ
फर्कँदा
बाटो उही हुन्छ
तर
हिँड्ने मान्छे
बदलिसकेको हुन्छ ।
– निजगढ (बारा), ७
October 1, 2010
(कवि सुको साइबर – सुको अर्थात् सुदिप कोइराला)
