~नविन सङ्घर्ष~
महिना – महिनामा सत्ता ढाल्नेहरुको देश हो यो
प्रत्येक दिन सडक बाल्नेहरुको देश हो यो ।
बेचेर दक्ष जनशक्ति विदेशीहरुलाई
फटाहा र गुण्डा पाल्नेहरुको देश हो यो ।
देखाएर नयाँ–नयाँ रङ्गीन सपनाहरु सध,ै
थोत्रो टालोहरुले नैं टाल्नेहरुको देश हो यो ।
विश्वासको खेती नगर नैं अविश्वास छ यहाँ,
पिठो घरमा लुकाएर ढुङ्गा चाल्नेहरुको देश हो यो ।
कहिले लेख्नु धक फुकाएर “सङ्घर्ष” ले ?
नयाँ–नयाँ यात्रा थाल्नेहरुको देश हो यो ।
– नुनथला–१, खोटाङ ।
(स्रोत : एबिसिखबर डट कम)
