~जानवी चिमोरिया~
देश बनाउने आशामा जनताले
नेतालाई मन्त्री बनाए
देशलाई लुटी नेताले
आफ्नो र आफन्तको भुाडी भराए ।
यो संसारलाई अज्ञानतामा राखी
देशको ढुकुटी रित्याए
संविधान र देश बनाउने लोभ देखाइ
निर्दोष जनतालाई कार्टुन बनाए
विदेशतिर जान्छन् हात फैलाउन
अलिकति भएको इज्जत पनि माटोमैं मिलाए
देशमा सधैं अशान्ति र हिंसा निम्त्याए
युवाको सीप र ज्ञानलाई
विदेशतिर पठाए
देशको भविष्यलाई आज हेर
लथालिङ्ग र भताभुङ्ग बनाए
अब जाग जनता हो जाग
भ्रष्टाचार नेतालाई त्याग
नेताहरुको मनोमानीलाई सिध्याऔं
देशको भविष्यलाई जोगाऔं ।
–घडीअर्वा, वीरगंज–१३
(स्रोत : प्रतीक दैनिक पत्रिका)
