~मुना सिग्देल~
छैन मन बुझाउने कुनै आधार, तिमी नहुँदा प्रिय !
यो एेना पनि रिसाउँछ बारबार तिमी नहुँदा प्रिय !!
कस्तो शक्ति छ अहो! तिम्रा यी तस्विरहरुमा पनि
हुन्छन् हँसाउन-रुवाउन तयार, तिमी नहुँदा प्रिय !!
जिउन यो जिन्दगी तिमीबाटै सिकेको भएर होला !
लाग्दैछ- नितान्त एक्लो संसार,तिमी नहुँदा प्रिय !!
प्यार फुलेको सिङ्गो मन नै तिमीलाई चढाएकी छु !
र त आउदैन कहिल्यै पनि बहार तिमी नहुँदा प्रिय !!
तिमी नदी थियौ र पो म आँत भिजाउँथें मायाले !
अब केले भिज्ला”मन”को किनार, तिमी नहूँदा प्रिय !!
– मुना सिग्देल, मोरंग।
