~कोशी किनारे~
थाहाछ
आउने यो साँझमा पनि
तिमिले अँध्यारोको भरपुर
उपभोग गर्नेछौ र तिम्रो
कोठेबारिको अर्थतन्त्र लाई
बेस्सरी सम्भोग र भोग गर्नेछौ।
तिमि
बत्तिबाल्छौ अँध्यारोमै
बत्तिनिभाउँछौ अँध्यारोमै
दिन खोज्छौ अँध्यारोमै
रात खोज्छौ अँध्यारोमै
बिहानी लाई गोरेटोमै
स्वागत गर्छौ र अपमान गर्छौ।
प्रत्येक अँध्यारोमा
अमुर्त उज्यालोको
निकम्मा ब्याकरण लेख्ने
ओ…..देश लेख्ने कबिजी
तिम्री स्वास्नीसँग भोगेको
अँध्यारो तिम्रो समागम जस्तो
यो देशलाई शिथिल नबनाउ।
(स्रोत : एबिसिखबर डट कम)
