~बच्चु कैलाश~
कैले काहिँ रुने मेरो गीत हराएछ
सम्झी सम्झी रुने सम्झना हराएछ
मुटुभित्र राखेको माया हराएछ
आज मेरो जिन्दगीको छायाँ हराएछ ।
सकिनँ मैले फूलको पातमा दुई थोपा आँशुले
पिरती मेरो लेखन कोर्न टुटेको भाकाले
आज मलाई जोबनको लोभ कति छैन
मै मरेर के हुने हो शोक कति छैन
एकान्तमा अलमल्लिने भाव हराएछ
मन यो बहलाउने गुनगुन हराएछ
मुटुभित्र राखेको माया हराएछ
आज मेरो जिन्दगीको छायाँ हराएछ ।
तिमी भए संसार मिल्छसँगसँगै देह जल्छ
झूठो वचन बोलिदिएछौ फूलको मन पोलिदिएछौ
आज मलाई कोही छक्काएर जान्छ
कोही मेरो पिरतीलाई लत्याएर जान्छ
भेट होला भन्दा भन्दै बैंश हराएछ
आज हिंड्दा हिंड्दै गोरेटो हराएछ
मुटुभित्र राखेको माया हराएछ
आज मेरो जिन्दगीको छायाँ हराएछ ।
शब्द / स्वर / सङ्गीत : बच्चु कैलाश
