~आस्था के.सी.~
आउ गरीव अनि शोषित जनहरुसधैं सधैं पसिना बगाउनेहरु
दशनँग्रा खियाएर पनि
एकछाक राम्रो संग खान नपाउनेहरु
हामी सबै सबैको लागी आवश्यक छ सहकारी । ।
रोग,भोक र शोकले
र्जजर छ हाम्रो बिगत ।
केही हुन्छ कि भनेर
माथिकै मुख ताक्ने
अभिषप्त छ हाम्रो बर्तमान ।
खोई के नै पो भन्न सकिन्छ र ?
यस्तै नै हो भने एक्लै एक्लै
लड्दै भिड्दै गर्ने हो भने ,
अन्यौलपूर्ण छ हाम्रो भबिष्य,
बिदेशीका पञ्जाहरु भित्र
छट्पटाईरहेछ हाम्रो स्वाभिमान् । ।
कुनै सुनौलो परिकथामा जस्तै
एकाएक रातारात
मोड लिनेछैन जिन्दगीले,
र
प्रिर्बतन भईहाल्ने छैन हाम्रो यथार्थ ।
त्यतिबेला सम्म
फेरिने छैन हाम्रो अवस्था
जतिबेला सम्म जाग्ने छैनौ,लाग्ने छैनौ
र
संगठित हुने छैनौ हामी आफै ……।।
एकतामा मात्र फूल्न सक्छन्
हामी सबैका सपनाहरु
र फस्टाउन सक्छन्
हामीले साँचेका रहरहरु
जागेका हुन्छन तनहरु
र दृढ संकल्पित हुन्छन मानिसका मनहरु ।
साथी ,
एकताको सन्देश हो सहकारी
समाज परिर्बतनको शुभारम्भ हो सहकारी ।
श्रमिक अनि गरिव मनहरुको
आशाको अदिप्त शिखा हो सहकारी ।
आपm्नै स्वाभिमानमा बाँच्नेहरुका लागी
एउटा बिश्वासिलो पहिचान हो सहकारी ।
दर्बिला पाईलाहरु उचालेर
आकाँक्षाको हिमाल चढ्नको लागि
असमानताको समूलनष्ट गरेर
सहृदयी,समानताको बिजारोपणको लागी
सभ्य,समुन्नत र आत्मर्निभर
समाज निर्माणको लागि
गाँउ गाँउमा आवश्यक छ सहकारी ।
नयाँ नेपाल निर्माणको लागी
क्रियाशिल बनाउनु छ सहकारी
ईमान्दार र स्वाभिमानी भएर बाँच्न
अठोट गर्नु छ ,माँया गर्नु छ
र,जिम्मेवारी बोध गर्नु छ सबैले
बिकास गर्न गराउन हाम्रो सहकारी ।।
२०६६,१२,२० घोराही,दांग
(स्रोत : रचनाकारको ब्लगबाट सभार)
