~प्रमोद अधिकारी~
पत्नि प्रति गरेको माया
समाजको आँखामा
जोइटिङ्ग्रे भयो रे ।
अनि उनिले गरेको
म प्रतिको
प्यार र समर्पण
दासता भयो रे ।
रिसाएकी पत्निलाई
फकाउन जाँदा
भेटाएको झम्टीको
प्रत्युत्तर नदिंदा
नामर्दको संज्ञा पाएँ ।
ओहो, मर्द बन्न त
रक्सी खाएर भकुर्नु पर्ने रहेछ ।
घोक्रो सुक्ने गरी कराउनु पर्ने रहेछ ।
म त मर्द होइन कि के हो ?
पत्नि प्रतिको अगाध प्रेमले
न त भकुर्न न नै सक्छु ।
न त चिच्याउनै ।
(स्रोत : रचनाकारको ब्लगबाट सभार)
